35 patay sa nagkueob nga baroto sa kaeawran nga sakop it Libya

Patay ro 35 migrante matapos nga kumueob ro sangka baroto sa kaeawran nga sakop it Libya.

Suno sa U.N. Migration Agency, raya eon ro ikaywang trahedya nga natabo sa sueod eamang it haeos sang dominggo nga ginakaeakipan it mga migrante.

Nasayuran nga ro mga nasambit nga migrante hay halin pa sa North Africa agud nga mag-usoy it mas manami nga pangabuhian sa Europe.

Sa makaron, naga-abot eon sa 53 migrante ro ginapatihan nga patay kung siin ro iba kanda hay padayun pang gina-usoy it mga otoridad.