KALIBO, Aklan—Arestado ro sangka eaeaki matapos nga illegal raya nga nagatransport it kahoy sa Sitio Agpusong, Brgy. Nagustan, Nabas.
Ginkilaea raya it Nabas PNP nga si Ancel Solidario, 38-anyos ag residente it nasambit nga lugar.
Base sa report, nadakpan si Solidario bandang alas-7:15 it gabie matapos nga may nagpaabot it impormasyon sa Nabas PNP kon sa siin narekober sa anang posisyon ro 21 bilog nga tapi karga sa anang tapdown.
Bangud kara, insigida imaw nga gindaea sa taeatapan it pulisya ag posibleng magapangatubang sa kasong pag-eabag sa Presidential Decree 705 ukon Illegal Possesion and Transport of Good Lumber and Forest Product kon sa siin presente imaw nga nakakulong sa lock-up cell it nasambit nga taeatapan it pulisya para sa nagakaigong disposisyon.
