Una eon sa eowas nga kahimtangan ro 38-anyos nga construction worker matapos ro madinaeag-on nga operasyon sa siyudad it Iloilo.
Madumduman nga gindaea sa ospital ro biktimang si Sherwin dela Cruz, residente it Sitio Kamanggahan Barangay Tambak, New Washington nga naka-ungot pa ro kutsilyo sa anang ueo .
Suno kay judy ann lumio, igkampod it biktima nga naging madasig ro recovery ni Sherwin kun sa siin hay ginahueat eon lang ro ibang mga papeles para sa anang pagguwa sa ospital.
Kadungan kara, ginpaabot it pamilya ro andang pagpasaeamat sa tanan nga mga nagtau it pinansiyal nga suporta ag pangamuyo para sa anang madasig nga pagmayad.
Sa pihak nga parte, nagpanindugan sanda nga indi magpa-areglo sa suspek nga si Joseph Masinda Jr., sa legal nga edad ag residente it Barangay Mabilo sa nasambit nga banwa.
Ginpaidaeum eon sa inquest proceeding ro suspek sa kasong frustrated homicide.
Ko nagtaliwan nga adlaw hay gin-operahan ro biktima agud nga mabo-oe ro kutsilyo sa anang ueo nga sa mayad nga swerte hay owa masyadong naapektuhan ro anang utok.
Sabado it gabi-i, kat nabun-an sa anang ueo ro biktima matapos maeakot sa sangka rambol sa guwa it sangka restobar sa nasambit nga lugar.
Gindaea raya sa Aklan Provincial Hospital, apang ko ulihi hay ginbiyahe paagto it Iloilo bangud sa delikadong kahimtangan kara.
