Haum sa igapatigayon nga face to face classes ro kapin sa 38,000 nga eskwelahan sa nasyon para sa pagbukas it School year 2022-2023 sa buean it Agosto.
Suno kay Department of Education (DepEd) Undersecretary Nepomuceno Malaluan, sandig sa naging assessment it ahensiya sa kahauman it mga eskwelahan sa pag-implementar it health protocols para sa pagpatigayon it in person classes, kapin sa 38,000 eskwelahan maghalin sa pribado ag public ro nakapasa ag haum eon.
Ginakaeakipan it kapin sa 36,000 hay maghalin sa public schools nga 80% it kabilugan nga 47,612 hay maghalin man sa pangpublikong skwelahan sa bilog nga nasyon.
Dugang pa ni Malaluan, plano it DepEd nga igasulong ro pagpatuman it 100% face to face classes sa uman nga pag-umpisa it klase sa Agosto maging sa mga lugar nga sa idaeom it Alert level 2.
