KALIBO, Aklan—Magiging virtual ro pagahimuon nga 38th annual general membership assembly ukon AGMA it Aklan Electric Cooperative ukon Akelco sa maabot nga Setyembre 25, 2021 sabado nga adlaw.
Suno kay Mega Mortalla, OIC general manager it Akelco nga raya hay pinaagi sa online platform it nasambit nga kooperatiba.
Ginpaathag kara nga pinaagi sa AGMA hay masayuran it mga miyembro-konsumidor ro mga developments sa akelco kamana man nga makatau it suhestiyon para sa ikamayad pa it serbisyo nanda.
Sa mga gusto suno kana nga magtambong hay maga-umpisa ro pagpa-rehistro sa Agosto 25 sa pinakamaeapit nga area office it akelco umpisa alas-8 it agahon hasta alas 4 it hapon.
Gindugang pa ni Mortalla nga ro andang premyo sa raffle bonanza hay nakasentro sa mga kinahangeanon it estudyante makaron nga pandemya kapareho it laptop, ayuda package , pangkabuhayan package ag iba pa.
Kada banwa sigon ro pag-draw it winners agud nga makasamit ro tanan.
Ro 38th AGMA it akelco hay may tema makaron nga dag-on nga “arise as one championing national development and building sustainable communities through rural electrification.
