4-anyos nga unga nga nakasueat eon it  libro, nakabaton it Guinness World Record!

Sangka  ap-at nga dag-on nga ungang eaeaki sa United Arab Emirates ro ginakabig nga pinakabatang manunueat nga naka­pag-publish  it libro!

Suno  sa Guinness World Records, ro unga nga si  Saeed Rashed al-Mheiri hay 4- years and 218 days old kat ma-publish  ro anang ginsueat nga libro nga may titulong  “The Elephant Saeed and the Bear.”

Nabaton ni Saeed ro Guinness verification sa titulong “Youngest Person to Publish a Book (male)” matapos maka­baligya it anang  libro it 1,000 copies sa UAE.

Suno kay Saeed, ro anang libro hay  angot  sa kamaeayran ag  pakikipag-amigo.

Nabo-oe nana ro  pagiging mabuot ag paea-amigo  halin sa anang magueang nga babaye nga   si Aldhabi.

Sa ana man nga magueang nana nabo-oe ro inspirasyon nga magsueat it libro bangud nga nakabaton eon it Guinness si Aldhabi it mga titulong “Youngest Person to Publish a Bilingual Book (female­)” ag “Youngest Person to Publish a Bilingual Book Series­ (female)”.

Mag-eowas sa pagsueat,   mahilig man nga  magbasa, mag­drowing ag maglaro si Saeed kaibahan ro anang igmanghud .