-- ADVERTISEMENT --
KALIBO, Aklan — Arestado ro ap-at nga katawo bangud sa paghampang it sugae nga pusoy sa Sitio Pinaungon, Brgy. Balabag sa isla it Boracay.
Ro ap-at hay naaktuhan ng mga kapulisan nga nagpatigayon it follow-up operation matapos nga makabaton it reklamo nga may nagasugae sa nasambit nga lugar.
Kaibahan sa mga naaresto ro daywang eaeaki ag daywang babaye nga nakilaea kanday Glenn Cabales, 33; John Pineda, 48; Rio Cardina, 40; ag Edelyn Valdez, 51; puro mga residente it nasambit nga lugar.
Nakumpiska it mga pulis ro sangka set it mga baraha ag kwarta nga taya nga naga-abot sa P2,400.
Ro ap-at hay nagapangatubang sa pag-eabag sa RA 9287 ukon ro gin-amyendahan nga PD 1602 ukon illegal gambling.
-- ADVERTISEMENT --
