KALIBO, Aklan—Ginpasakaan eon it kaso it Malay Municipal Police Station ro mga tag-ana it ap-at ka mga bar and restaurant sa isla it Boracay nga naging rason it pagtaas it kaso it Coronavirus Disease 2019 ukon COVID-19 idtu.
Madumduman nga ro ginpatigayun nga party sa nasambit nga mga establisyemento ko Marso 10, 2021 ro ginaturo nga rason it madasig nga pagkalhit it COVID-19 infection sa isla.
Raya man ro gin-umpisahan it pagpatuman it lockdown sa pilang purok sa Boracay.
Ro mga natungdan nga bar and restaurant owners hay magapangatubang sa kasong pag-eabag sa Republic Act 11332 ukon Mandatory Reporting of Notifiable Diseases and Health Events of Public Health Corncern Act.
Sa pihak nga parte, bawae pa gihapon ro operasyon it mga bars, restaurants ag food parks nga may mga live shows ag music kamana man ro bueang ag non-essential gatherings.
Nagapabilin man ro curfew hours sa bilog isla umpisa alas- 11:00 it gabi-i hasta alas-4:00 it aga-aga.
