Kalibo Aklan ——-Panibag-ong ap-at nga turista ro nadakpan nga nagpameke it andang RT-PCR tests agud nga makasueod sa Isla it Boracay.
Nagapangatubang sa kasong pag-eabag sa RA 11332 ukon Madatory Reporting of Notifiable Diseases and Article 172 of Recised Penal Code ukon Falsification of Documents ro nasambit nga mga turista.
Nagsueod sanda sa Boracay ko Martes it gabi-i ag matapos matukiban it validation team ro andang mga peke nga dokumento hay insigida sanda nga ginbaeabagan sa Tabon port pa eamang sa Caticlan.
Gindaea sanda sa quarantine facility sa kalibo ag ginpaidaeum sa swab test.
Ro ap-at nga mga turista hay puro naghalin sa National Capital Region (NCR) nga magabakasyon kunta sa Boracay.
Madumduman nga ko adlaw it Sabado hay pitong turista ro nadakpan man it fake nga RT-PCR test result kasunod it uman nga pagbukas it Boracay sa mga turista nga naghalin sa NCR plus.
