Ginkumpirma it Department of Health (DOH) nga nakalista ro Pilipinas it 4 nga bag-ong kaso it masakit nga mpox.
Suno sa ahensiya, ro mga bag-ong gindapuan it masakit hay halin sa Calabarzon nga ro edad hay una sa tunga it 24 ag 66 anyos ag nag-umpisa nga makaeksperyensya it mga sintomas ku unang dominggo it Nobyembre.
Pareho nga nagpositibo ro 4 nga pasyente sa Clade II variant nga mas banayad nga klase it virus.
Ro 2 sa mga pasyente hay kaeaeakinhan nga halin sa Rizal samtang ro 2 man nga eaeaki ag babayi hay halin sa Laguna.
Presente man nga nagapaidaeom ro tatlong kaeaeakinhan nga nagpositibo sa masakit sa home isolation samtang ro 66-anyos man nga pasyente hay na-admit sa ospital apang nakarekober eun raya ku Nobyembre 19.
Ginsiguro man it DOH-Center for Health Development Calabarzon Regional Epidemiology Surveillance Unit sa publiko nga eubos sanda nga nakasubaybay sa sitwasyon angot sa nailistang mpox cases sa rehiyon.
