KALIBO, Aklan—Ap-at ka mga indibidwal ro natigayon nga naaprehend it pulisya sa nagapadayon nga oplan sita angot sa hugot nga implementasyon it Covid-19 curfew ordinance sa banwa it Kalibo.
Ginkilaea ro mga naaresto it Kalibo PNP nga sanday Lino Jamillarin, 19-anyos; Ramil Ratay, 20-anyos; parehong residente it Brgy. Estancia kamana man sanday Christian Basas, 28-anyos it Brgy. Caano ag Keno Andrade, 32-anyos it Brgy. Andagao.
Ro ap-at hay naaprehend it mga otoridad samtang nagarobing ro mga raya sa nagapangunang daeanon sa banwa it Kalibo.
Nasayuran nga ro nasambit nga mga indibidwal hay una sa idaeom ko impluwensya it aeak samtang nagamaneho it tagsa ka mga motorsiklo.
Ro ap-at hay insigida man nga ginrefer sa mga natungdan nga barangay council para sa nagakaigong disposisyon.
