National News—– Nasakote it mga tawuhan it National Bureau of Investigation (NBI) ro ap-at nga indibidwal nga kaibahan sa sangka grupo it sindikato nga una sa likod it pag-kidnap ukon pagpatay sa mga Chinese sa nasyon.
Sa paunang imbestigasyon it NBI, gin-aresto ro mga eaeaki sa serye it anti-kidnapping for ransom ag gun-for-hire operations it ahensya.
Daywa sa mga suspek hay Chinese nga nadakpan man nga nagabaligyai it mga bukon it lisensyadong baril sa sangka fastfood chain sa Pasay.
Ko ulihi hay nasakote man ro andang mga supplier nga daywang Pilipino.
Nauli pa sa pagbaeayluhan it eupok it baril ro operasyon matapos nagpamalibad nga magpanaog ro mga suspek sa andang mga sasaeyan, apang ko ulihi hay gin-aresto man sanda.
Nakumpiska kanda ro sangka Glock .22, sangka cal. 40, sangka cal. 45, ag sangka 9mm nga mga baril.
Magapangatubang sanda sa kasong kidnap for ransom and serious illegal detention, pag-eabag sa Republic Act 10591, ag pag-eabag sa Omnibus Election Code ag iba pa.
