KALIBO, Aklan—Padayun ro ginahimo nga imbestigasyon it mga otoridad sa Vienna, Austria matapos ro nag-eontad nga terror attacked sa sangka pampublikong lugar.
Suno kay Bombo International Correspondent Carla Abasins it nasambitang nasyon nga ginmanduan eon ro mga residente nga magpabilin anay sa andang mga panimaeay.
Natabo sigon ro pag-atake sa sangka jewish church maeapit sa mga restaurants ag pubs sa 1st district.
Ginpahayag dugang nga nag-aywan raya it ap-at nga mga namatay kung siin ginakaeakipan raya it tatlong civilian ag sambilog nga suspek samtang 15 mat-a ro napabalita nga naninahan.
Ginasugid nga ro namatay nga gunman hay sangka ISIS symphatizer.
Sa makarun hay temporaryo anay nga ginsuspende ro mga klase sa eskwelahan samtang padayun nga nagahueag ro imbestigasyon sa nag-eontad nga insidente.
