KALIBO, Aklan—Temporaryong ginbawaean it lokal nga gobyerno it Madalag ro mga 4 wheels vehicles ag heavy truck nga mag-agi sa Guadalupe bridge nga nagaserbing daean paadto sa nasambitan nga banwa.
Suno kay Richardo de Chino Jr. it Municipal Disaster Risk Reduction and Management Council ukon MDRRMC-Madalag nga bangud sa na-monitor nga moderate to heavy rain hay napagdesisyunan it andang alkalde nga indi anay pagpasugtan nga mag-agi sa nasambitan nga tulay ro mga mabug-at nga saeakyan para sa andang kaeuwasan.
Raya hay bangud nga indi sigon masiguro ro kapasidad it nasambit nga tulay bangud sa pagkaon it baha sa mga nakatambak nga baeas sa idaeum kara.
Bangud kara hay ginaeaygayan man ro mga gustong magsueod nga saeakyan sa andang banwa nga idto eun lang mag-agi sa banwa it Malinao.
