National News——–Kapin sa 40 eon ro natumod nga close contacts it nauna nga kaso it bag-ong BA.2.12 Omicron subvariant nga na-detect sa Pilipinas.
Suno kay DOH Undersecretary Maria Rosario Vergeire may siyam raya nga close contact sa Quezon City, lima sa Benguet ag 30 near contacts nga kaibahan sa commercial flight paadto sa Manila.
Dugang pa ni Vergeire, kaabuan sa close contacts it Omicron subvariant case hay fully vaccinated ag pila kanda hay natan-aw eon ag nagnegatibo sa COVID-19.
Sa pihak kara, padayon ro maid-id nga monitoring sa tanan nga close contacts nga presenteng owa it nababatyagan nga sintomas it makataeapon nga masakit.
Kasunod kara, ginpasiguro man it Department of Health sa publiko nga owa it dapat nga kabaeak-an ag ginklaro man nanda nga owa it natapnan ro domueoong nga turista nga nagbisita sa Baguio City University nga nagpositibo sa Omicron BA.2.12.
Nasayuran nga daywa maghalin sa siyam nga indibidwal nga may close contact sa Omicron case nga gintan-aw sa COVID-19 hay parehong nagnegatibo sa virus ag parehong asymptomatic.
Suno kay Karen Lonogan, epidemiology nurse it DOH-Cordillera region, ro 52-anyos nga babayi nga domoeuong maghalin sa Finland hay nag-adto sa Baguio City para mag-lecture sa digital loom weaving ko nagtaliwan nga buean it Marso.
Nakitaan raya it mild COVID-19 symptoms partikular it pagpaeanakit it ueo ag sore throat, siyam nga adlaw maghalin ro arrival kara sa Nasyon ag nakumpirmang positibo sa virus sa mga masunod nga adlaw.
Apang pagklaro it DOH, antes pa maghalin it Nasyon ag magbalik sa Finland ro nasambit nga domueoong ko nagtaliwan nga Abril 21 hay nakarekober eun raya sa sakit.
Sa makarun, gina-imbestigahan pa it DOH ag ginatan-aw pa ro characteristic it bag-ong Omicron sublineage pag-abot sa transmissibility ag kung raya baea hay more severe disease.
Samtang, owa pa gindeklara it World Health Organization kung ro BA.2.12 hay sangka variant of interest ukon variant of concern.
