Patay ro 40 katawo samtang 60 nga iba pang indibidwal ro ninahan sa gin lunsar nga strikes it Israeli forces sa sangka operations centre sa Khan Younis nga ginapatihan ginapanag-iyahan it Hamas fighters suno sa Israeli Defense Forces.
Naghimo sigon ro Israel military it mga tikang para malikawan nga madaeahig ro mga sibilyan.
Maabu pa ro presenteng gina rescue nga natabunan it mga nahugos nga bato kasunod it pag-atake.
Suno sa pilang nakasaksi sa insidente, nagtuhaw ro mabahoe nga pagsabog sa Al-Mawasi area ko nakataliwan nga tungang gabie.
Sa gin tao man nga impormasyon it tagapaghambae it IDF sa telegram, ginhambae kara nga inatake nanda ro nagapangunang terorista it Hamas nga naga-operate sa command and control complex nga nagapakuno-kuno bilang humanitarian area sa Khan Younis.
Sa grupo man it Hamas, gin pamalibaran nanda ro claims it Israeli military ag gintawag nga sangka hayagan nga uwa naga sugid it kamatuuran.
Nagapanguna kara ro linibong mga Palestino nga na-displace nga nag adto sa Khan Younis umpisa it gin lunsar it Israel ro opensiba kara sa mismong teritoryo ko Oktubre it nakataliwan nga dag-on.
