Nakabaton it tig-10 kilong libreng bugas ro una sa 4,000 ka mga benepisyaryo sa banwa it Kalibo sa paglunsar it Bagong Pilipinas Rice Program ku adlaw it Martes, Hunyo 23.
Suno kay Engr. Alexys Apolonio, Provincial Agriculturist it Department of Agriculture (DA) Aklan, ro bugas nga ginpanao hay ginbakae sa mga lokal nga mangunguma pinaagi sa P96 milyon nga pondo halin sa Department of the Interior and Local Government (DILG) pinaagi sa Local Government Support Fund.
TTarget it programa nga mabuligan ro mga vulnerable sector kapareho it mga persons with disability (PWDs), solo parent, senior citizens ag iba pang pamilya nga apektado it pag-taas it presyo it mga baeakeon ag produktong petrolyo.
Sa bilog nga probinsya it Aklan, ginabueubanta nga kapin 34,000 ka mga benepisyaryo ro makabaton it ayuda sa ap’at hasta an-om ka parte it implementasyon it programa.
May gintaeana man nga tig-P5 milyon nga pondo para sa tagsa ka mga kabanwahanan agud masuportahan ro pagpatuman it Bagong Pilipinas Rice Program.
