Sangka housing association sa Belgium ro nakahimo it Guinness World Record matapos nga makatipon it 433 nga mag-asawa nga dueueungan nga nagkaon it single strand it spaghetti.
Gintipon it Upgrade Estate ro mga mag-asawa sa Flanders Expo sa Ghent kun sa siin ro kada pares hay nag-share it sangka strand it spaghetti nga gin-umpisahan sa matsig ka punta hasta nga magtabo ro andang mga bibig sa tunga agud nga makahimo it “Italian kiss”, sangka tradisyon nga ginpasikat it Disney cartoon nga Lady and the Tramp.
Base sa patakaran it Guinness, ro strand it spaghetti hay kinahangean nga indi maputoe sa tunga it participants hasta nga ro andang lips hay magtabo ag indi anay magbueag sa sueod it 30 segundos.
Madinaeag-on nga nahimo it housing association ro record para sa “most couples eating a single piece of spaghetti simultaneously” kaibahan ro 433 nga pares.
Ginpierde kara ro dating record nga nakalista eamang it 125 couples sa Paris.
