44 indibidwal patay sa mabaskog nga pag-inuean sa Brazil

Kapin sa 44 ka-indibidwal ro namatay bangud sa owa it pundong pag inuean sa northeast Brazil.

Suno kay  Minister of Regional Development head Daniel Ferreira, nga may 56 katawo pa ro padayon nga gina-usoy samtang   25 ro ninahan.

Umabot man sa kapin 4,000 katawo ro naduean it panimaeay bangud sa owa it pundong buhos it mabaskog nga uean.

Pila sa mga namatay hay bangud sa nag-eontad nga  landslide sa Recife area sa Pernambuco state.

Samtang, daywang adlaw eon nga nakaka-eksperyensya it mabaskog nga pag inuean ro nasambit nga lugar rason it pag eugos it mga panimaeay.

Sa pihak nga parte, padayon man ro ginapatigayon nga rescue operations it mga otoridad sa nasambit nga lugar.