KALIBO, Aklan–Nagapabilin nga 44 nga banwa ag siyudad sa bilog nga Western Visayas ro na-classify bilang election areas of concern.
Suno kay Police Regional Office 6 Spokesman Lt. Col. Arnel Solis nga ro tanan nga mga election areas of concern hay color-coded sandig sa resolution it Commission on Elections ukon Comelec.
Sa idaeum it red category, lima ro naeakip sa listahan, samtang ap-at sa yellow ag 35 ro naeakip sa color orange.
Kaibahan ro Aklan partikular sa banwa it Libacao sa areas of immediate concern nga kaibahan sa color orange bangud sa nailistang paeag halin sa armadong grupo.
Samtang, ginpaathag ni Solis nga may mga parameters nga ginasundan sa pag-reclassify sa sangka lugar.
Raya hay kasunod it natabu nga engkwentru sa Brgy. Dalagsaan, Libacao ko Abril 1 kun sa siin sangka amasona ukon ginadudahan nga babayeng rebeldeng NPA ro napatay.
Nakadepende sigon ro pagdesisyon sa regional joint control center kon magapabilin sa color orange ukon igapasaka sa yellow ro aklan bangud sa natabu.
