Kalibo Aklan ———–Nagahimas makarun it maeamig nga rehas sa Kalibo Municipal Police Station ro sangka ginang matapos nga magshoplift sa sangka establisyemento sa may bahin it Toting Reyes Street, Kalibo.
Ro arestado hay ginkilaea kay Lorna Reyes, 45 anyos ag residente it Barangay Jugas, New Washington.
Base sa report, nataeopangdan it sambilog sa mga staff it establisyemento ro suspek nga indi mahimayang.
Bangud kara hay andang gin-check ro CCTV footage ag dikato nakit-an nga may ginsueod ro suspek nga pilang ka mga grocery items sa anang bag.
Nahimo pa it suspek nga magbayad it anang ibang pinamak-ean apang nakit-an nga owa kara ginpaguwa ro mga nakatago sa anang bag.
Kaibahan sa anang mga ginhana nga takawon hay ro banyos, sabon, kape, coffee creamer, toothpaste, shampoo, beauty products ag maabong iba pa nga ginatantiyang nagabalor tanan it P1,490.
Sa makarun hay presente rayang nakakulong sa Kalibo PNP para sa nagakaigo nga disposisyon.
