46 million voters information sheet, naipanupod eon it Comelec

Naga-abot sa 46 million Voter’s Information Sheets (VIS) eon ro naipanupod it Comelec sa nagkaeain-eain nga parte it nasyon, an-om nga adlaw antes ro eleksyon.

Kaparte raya it 70% it kabilugan nga 65.7 million voter’s information sheets nga may sueod nga pangaean, address, polling center, ag precinct number it mga botante.

Suno kay Comelec Commissioner George Garcia, sa National Capital Region, 56% it mga rehistradong botante ro nakabaton eon it andang mga VIS.

Ro Cordillera Administrative ag Ilocos regions sigon ro nakakumpleto it distribusyon it Voter’s Information Sheet.

Sa datos it poll body, naga-abot sa 65, 709, 572 individuals ro rehistrado sa nasyon ag 1, 697, 215 ro Overseas Filipinos ro nagparehistro  para sa May 9 elections.