KALIBO, Aklan — Gina eaumang mas pang magasaka ro lebel it turismo sa isla it Boracay makaron nga 2018 bangud sa nakataeanang pagdungka it haeos 48 international cruise ships nga may sakay nga libo-libong turista.
Sa interview it Bombo Radyo, gin pahayag ni Caticlan jetty port administrator Niven Maquirang nga raya eon ro pinakamabahoe nga numero it port calls para sa mga maga bisitang cruise ships sa Boracay kumpara ku nagtaliwan nga dag-un.
Umpisa sigon makaron nga Enero hasta it Hunyo, naga abot sa 17 nga cruise ship ro maga abot sakay ro masobra sa 58,000 nga mga turista.
Suno pa kay Maquirang, sambilog ro isla sa padayun nga gina develop it Department of Tourism bilang cruise ship hub sa Southeast Asia.
Naga abot man sa 2.2 million ro target nga tourist arrivals makaron sa Boracay.
