KALIBO, Aklan—Kasunod it mandu it National Police headquarters sa pagpanguna it bag-ong PRO-6 Director Police Brigadier General Leo Francisco nga hugot nga tutukan ro operasyon angot sa mga eakot sa illegal gambling.
Sa sueod eamang it sang dominggo nga hugot nga pagtutok it mga Police Regional Office (PRO) 6 angot sa illegal gambling sa bilog nga Western Visayas, umabot eon sa 482 nga mga indibidwal ro naaresto.
Sa nasambit nga kabilugang numero ginakeakipan raya it 52 nga mga naaresto bangud sa sugae nga “tong-its” 43 hay bangud sa “bookies”; 9 bangud sa “cara y cruz” ag sambilog man ro nalista bangud sa “peryahan ng bayan”.
Kapin man sa kabilugang P109,374 nga bet money ukon taya ro narekober it mga otoridad maghalin sa 168 nga mga illegal gambling operations sa nagakaeain-eain nga municipal police stations sa rehiyon.
