Kalibo Aklan —— Patay eon nga nasapwan ro sangka 49 anyos nga motorista matapos nga makaangkon it self accident bandang alas-2:30 it hapon sa Brgy. Lalab sa banwa it Batan .
Raya ro ginkumpirma ni PMSSGT. Jose Patron it Batan Pnp .
Suno kana nga sangka tanod ro nakakita sa biktimang si Rogelio rico, residente it nasambit nga lugar nga nagakaya sa kilid it karsada ag may dugo sa ueo kaibahan ro anang natumba nga motorsiklo .
Ginpahayag dugang nga owa eagi napan-uhan ro biktima bangud nga nagsuhot raya sa maligwin nga lugar it karsada .
Apang ginpahayag it mga nagabantay nga tanod ag mga BHW sa barangay checkpoint nga nakabati sanda it eagapok apang ginbalewala nanda raya .
Gindaea pa raya sa Altavas District Hospital , apang gindeklarang dead on arrival .
Ginpaidaeum sa post mortem examination ro bangkay it biktima.
Indi pa sigon matumod kon hilong ro biktima.
