Kalibo Aklan ——–Nag-apela ro Pantawid Pamilyang Pilipino Program ukon 4P’s-Aklan Provincial Operations Office sa mga benepisyaryo it programa nga pundohon eon ro pagprenda it andang mga cash cards.
Ginapahayag nga nakalista ro taeatapan it kapin sa 40 nga cash card related issues nga ginakaeakipan it 16 nga kaso halin sa banwa it Banga; 12 sa Kalibo; 8 sa Lezo; 2 sa Tangalan ag tig sambilog sa Batan ag Nabas.
Kung sa siin, ro 40 nga household hay nakabaton eon it written warning may kaangtaan sa andang pag-eabag ag ginpaidaeom sa counselling it Municipal Link.
Maeuwas kara, may nabaton man sigon sandang report nga ro ibang benipisyaryo sa Aklan hay ginagamit ro andang cash cards bilang collateral sa loans.
Nasayuran nga kung uman nga madakpan ro mga benipisyaryo hay magapaidaeom raya sa counselling it Social Welfare Officer III ag may written warning halin sa DSWD Regional Director kamana man ro grants it household hay suspendido it daywang buean.
Apang, kung ro benipisyaryo hay maghimo it 3rd offense pagabue-on eon raya sa listahan ag indi eon pwedeng mag-apela.
Nagpadumdom man sa mga benipisyaryo ro ahensya nga sumunod sa mga kondisyon it programa ag likawan ro pagprenda it mga cash cards sa mga lending companies, pawnshop ag iba pang institusyon.
Sa makaron, ro probinsya hay may una nga kapin sa 26, 392 nga aktibong 4P’s beneficiaries nga nagabaton it bueanan nga cash grants sa pamaagi it andang cash cards.
