KALIBO, Aklan — Ginlaygayan ni Provincial Social Welfare and Development Officer Evangeline Gallega ro mga benepisyaryo it Pantawid Pamilyang Pilipino Program ukon 4Ps it Department of Social Welfare and Development ukon DSWD nga indi magtinamad ag doble-kayod sa gihapon maskin nga nagabaton it ayuda halin sa gobyerno.
Raya hay kasunod it obserbasyon nga nagatinamad ro pilang mga beneficiaries bangud nga ginahueat eon lang ro pag-abot it andang ayuda nga ro katuyuan kunta it programa hay mawakasan ro cycle of poverty ukon kapigaduhon .
Ginpahayag ni Gallega nga mabahoe nga bulig ro programa eabi eon kon maka-avail it scholarship sa mga gustong mag-eskwela sa kolehiyo nga mag-eowas nga libre ro tuition sa mga state colleges and universities hay may allowance nga P30,000 kada semester.
