Ginakabig nga pinakabatang kampeon it Jiu-Jitsu sa bilog nga kalibutan ro limang dag-on nga Filipina nga si Aleia Aielle M. Aguilar.
Nagpangibabaw si Aguilar sa Kids 1 Under-16 category sa Abu Dhabi World Jiu-Jitsu Festival.
Ginpierdi kara si Maria El Halabi it United Arab Emirates 6-0 sa semifinals.
Pag-abot it finals hay napierdi nana si Gabriella Vercosa it Brazil sa pamaagi it verbal submission.
Halin sa pamilya it martial arts si Aielle kung siin ro ina kara nga si Maybelline Masuda hay dating world champion ag gold medalist it 2014 Asian Beach Games ag ro ama kara hay URCC founder Alvin Aguilar nga black belter it Brazilian jiu-jitsu.
Pag-istorya it anang ina nga tatlong dominggo pa eamang ro unga kat daehon nana raya sa anang training ag sa kada torneo.
Ginpasaeamatan man kara ro mga Filipino sa Abu Dhabi bangud sa andang ginpakita nga suporta.
