KALIBO, Aklan — Lima hasta sa waeong cruise ships ro nagpahayag it interes nga magabisita sa isla it Boracay umpisa sa re-opening kara sa Oktubre 26.
Suno kay Department of Tourism regional director Helen Catalbas, kaeakip sa mga cruise ships ro Royal Caribbean Cruises, Star Cruises ag Celebrity Cruises.
Gin pahayag dugang pa kara nga ro nasambitang mga luxury liners hay may sakay maghalin sa 1,700 hasta 4,500 nga turista ag mga crew.
Nasayuran nga ro pagbisita it cruise ship sa Boracay hay sambilog sa gina konsidera sa gina himong pagtuon sa carrying capacity it isla.
Bago gin sarado ro Boracay ku Abril 26 para sa rehabilitation works, ap-at nga cruise ship ro bumisita sa isla ku Enero ag tatlo man ku Pebrero.
Samtang, sa baylu nga party place, plano makaron it DOT-6 nga himuong family oriented eamang ro isla.
