Ginreport it US Central Command ukon CENTCOM nga madinaeag-on nanda nga gin-wasak ro limang Iranian oil tanker bilang pagbaeos sa panibag-o sigon nga missile attack it Iran.
Suno sa command, daywang magkasunod nga hana nga pag-atake it Islamic Revolutionary Guard Corps ukon IRGC kontra sa mga barkong pang-gyera it US ro napaseawan.
Ginhambae it CENTCOM nga maeapit sa mga nasyong kaalyado it US sa Gulf ro mga tanker kat patigayunon ro operasyon.
Antes ro pag-atake, ginhambaean sigon it US forces ro mga crew nga mag-halin sa andang mga barko.
Nauna eon nga tatlong Iranian tanker ro ginreport nga gin-wasak it US ku nagtaliwan nga dominggo.
Nagpaandam man si Iranian Armed Forces Chief of Staff Ali Abdollahi nga magapadayon ro pag-atake it Iran sa mga base it US sa Middle East kun indi pagpunduhon it Amerika ro pagsalakay sa mga oil tanker.
