5 ka mga indibidwal arestado bangud sa illegal nga pagsugae sa Brgy. Buenavista, Nabas
KALIBO, Aklan—Lima ka mga indibidwal kaibahan ro sangka 86-anyos nga lola ro posibleng magapangatubang sa kasong pag-eabag sa Presidential Decree 1602 ukon mas kilaea sa tawag nga Illegal Gambling sa Brgy. Buenavista, Nabas.
Base sa report, nadakpan nga illegal nga nagasugae it bet game ro lima nga ginkilaeang sanday Enrexel Caña, 58-anyos; Rolan Apolinaro, 46-anyos; Lolita Manocan, 86-anyos; Eduardo Espino, 60-anyos ag Lanie Balido, 41-anyos ag mga residente it nasambit nga lugar.
Narekober sa andang posisyon ag kontrol ro sangka set it baraha ag kapin sa P331 pesos nga kantidad it kwarta nga ginamit bilang taya.
Ro nasambit nga mga indibidwal hay temporaryong ginkustudiya sa Nabas Police Station para sa nagakaigong disposisyon.
