Kalibo Aklan ——–Nakataeanang magapangatubang sa kasong pag-eabag sa Presidential Decree 1602 ukon Anti-Illegal Gambling Law ro limang ka mga indibidwal matapos nga madakpan nga illegal nga nagasugae sa Brgy. Camanci Norte, Numancia.
Ginkilaea ro mga raya nga sanday Violeta Rotano , 57-anyos ag Michelle Autentcio, sa legal nga edad, residente it nasambit nga lugar; kamana man si Anthon Vhon Hepulio, 25-anyos it Bubog sa nasambit nga banwa; Marchel Suante, 28-anyos it Brgy. Old Buswang ag Honeylet Pioquid, 39-anyos it Brgy. Andagao, Kalibo.
Narekober it Numancia PNP sa andang posisyon ag kontrol ro sangka set it lamesa, bangko, lamesa ag kapin sa P5,707 nga kantidad it kwarta nga ginamit bilang taya.
Ro lima hay temporaryong nakakustudiya sa Numancia Police Station para sa nagakaigong disposisyon.
