Nakaka-eksperyensya sa makaron it missile strikes ro maabong kabisera it Ukraine pilang adlaw eamang matapos ro pagpasabog sa tulay nga nagasugpon sa Russia ag sa ginakabig karang annex nga Crimea.
Ginkumpirma man it Ukrainian official nga umabot sa limang katawo eon ro napalista nga namatay matapos ro ap-at nga magkasunod nga Russian strikes nga tumama sa capital it Ukraine nga Kyiv.
Tinamaan man ro critical infrastructures kaibahan eon ro power facilities sa Kharkiv, Lviv, Mykolaiv, Dnipropetrovsk ag Sumy.
Sa parte it southeastern it Zaporizhzhia, may mga nalista mang casualties matapos ro missile strike it Russia nga tumama sa apartment block.
Una kara ro pag-alegar ni Russian President Vladimir Putin nga ro Ukraine ro sa likod it pag-atake sa nasambit nga tulay ag ginatawag rayang sangka ueubrahon it terorismo.
Ginpahayag pa ni Putin nga gintarget it intelligence force it Ukraine nga samaron ro kritikal ag importanteng parte it civil infrastructure it Russia.
