KALIBO, Aklan—Nagapadayon ro imbestigasyon it Malay Municipal Police Station sa hana nga pagsueod it limang mga manakaw sa sangka resort nga ginapanag-iyahan it sangka Korean national bandang alas-3 it hapon ko miyerkules nga adlaw sa isla it Boracay.
Suno sa tag-ana it resort nga nagpamalibad nga magpamitlang it pangaean nga sakay it sangka baroto ro mga suspek antes nga nagsueod sa andang resort.
Sa mayad nga swerte ag nakit-an raya it anang mga staff kun sa siin hay naboe-an pa it video ag litrato ro ginhimo nga pagpaeagiw it mga suspek.
Naaywan pa sigon it mga raya ro andang tsinelas ag lagare.
Ginpahayag dugang nga natigayon eon nga mai-report ro insidente sa embahada it South Korea.
Nagaeaum ro tag-ana it resort nga indi eon mauman pa ro insidente.
