POLICE Report — Lima ro patay sa sunog nga natabu sa sangka residential area sa Tondo, Manila sang adlaw antes ro Bag-ong Dag-on.
Suno sa Bureau of Fire Protection, nag-umpisa ro sunog pasado alas-10 it gabi-i it Lunes sa Malvar Street kanto it Varona St. sa Tondo, Manila.
Posible sigonh nga owa eon nakaguwa pa ro mga residente kat magtuhaw ro sunog sa ikatlong panaegan it 3-storey residential house bangud sa madamoe nga asu samtang sa kasagsagan it andang hamuok nga katueugon.
Nasayuran nga ginapanag-iyahan ag gina-okupahan it pamilya ni Gil Aguilar ro nasambit nga baeay.
Nag-abot sa ikaywang alarma ro sunog nga gindekarang fire out alas 11:25 it gabi-i.
Ginaboeobanta nga naga-abot sa kapin sa P150,000 ro naging kahalitan sa sunog.
Naging masubo ro selebrasyon it Bag-ong Dag-on it mga nasunugang pamilya nga nadaeahig matapos sanda nga maduea-an it baeay.
