NATIONAL News–Nagsurrender eon sa Camp Crame ro limang pulis it Manila Police District nga ginreklamo it robbery extortion it sangka computer shop owners.
Ko gabi-i it Lunes hay magkasunod nga nagsurrender kay Presidential Anti-Origanized Crime Commission (PAOCC) Undersecretary Gilber Cruz sanday Staff Sergeants Ryan Tagle Paculan ag Jan Erwin Santiago Isaac, Corporal Jonmark Gonzales Dabucol ag mga Patrolmen Jeremiah Sesma Pascual ag Jhon Lester Reyes Pagar nga mga miyembro it MPD District Police Intelligence Operations Unit (DPIOU).
Ro nasambit nga pagsurrender hay pilang adlaw matapos nga ginmando ni PNP chief Gen. Benjamin Acorda Jr nga arestuhon ro mga raya bangud sa andang ginhimo.
Ro natungdan nga mga kapulisan hay ginreklamo ko nagtaliwan nga dominggo it sangka 73-anyos nga si Herminigildo Mateo matapos nga pangayuan it P40,000 bangud sa pag-operate sigon it online gambling.
Mag-euwas pa kara, ginbuoe man it mga ginareklamong pulis ro hard drive it andang CCTV ag maskin ro kwarta sa kaha nga nagakahaeaga it masobra P3,000.
Humirit pa ro mga pulis nga dapat magtao ro complainant it P4,000 kada dominggo bilang proteksyon.
Nakataeana nga ipaatubang ro mga raya kay PNP chief ag posibleng magpangatubang sa kriminal ag administrative case.
