-- ADVERTISEMENT --
KALIBO, Aklan – – – Maswerting naka-eowas ro sangka 50-anyos nga nabdos ag ro anang pitong buean nga gina nabdos matapos nga tamaan it kilat sa Brgy. Sibalew, Libacao kahapon it hapon.
Nag-angkon eamang it sangkiri nga paso sa dughan ro biktimang si Wilma Salem, residente it nasambit nga lugar matapos nga tamaan it kilat ro andang baeay.
Suno sa panaysayon it anang igmanghud, maueanon kahapon ro paniempo ag gulpi eamang sigon sanda nga nakibot kat may hayag nga tumama sa andang baeay.
Nasayuran nga ro gina nabdos it biktima hay pang onse na eon nga unga ag raya hay sa anang menopausal stage eon.
Insigida man nga natabangan ro biktima ag gindaea sa provincial hospital kung siin imaw makaron naka-confine.
-- ADVERTISEMENT --
