KALIBO, Aklan — Kadungan sa pagdumdum sa unang anibersaryo it pagpapasarado sa isla it Boracay makaron nga adlaw, Abril 26, prayoridad it lokal nga gobyerno it Malay nga madugangan ro mga trained lifeguards.
Suno sa LGU-Malay nga bangud nga lima eon lang ro andang nabilin nga lifeguards, plano nanda nga dugangan raya it 50 para sa maayos ag madasig nga pagtau it serbisyo sa mga beachgoer eabi eon makaron nga summer season.
Bukon eamang sigon sa white beach magabantay ro mga raya kundi sa iba pang public places sa isla kapareho it Puka Beach.
Ginpahayag dugang nga nagtaeana eon ro munisipyo it pondo para sa training it mga aspiring lifeguards.
Samtang, under construction sigon makaron ro 12 nga lifeguard towers nga kon sa siin movable ag bukon it permanenteng istraktura, nga ginpakalhit sa tatlong stations it Boracay.
