Tuyo it Philippine Statistics Authority (PSA) nga pataason pa kara ro produksyon it Philippine Identification System (PhilSys) cards ukon National ID card.
Raya hay bilang sabat sa direktiba ni Pangueong Ferdinand Marcos Jr. nga mag-isyu it 50 milyong ID sa pagtapos it dag-on.
Ginpahayag ni PSA Deputy National Statistician Fred Sollesta nga umpisa Oktubre hay pagataasan eon nanda ro andang produksyon it hasta sa 133,000 kada adlaw maghalin sa 80,000 kaibahan ro Bangko Sentral ng Pilipinas (BSP).
Magapaguwa pa sigon ro PSA it printable ag digital versions it National IDs para maabot ro target nga 50 million IDs nga igatao sa katapusan it dag-on.
Kapin sa 71 milyong Pilipino ro presenteng nakarehistro sa PhilSys, kung siin ginaboue eon ro andang demographic ag biometrics information.
Sa kabilugang numero ngara, kapin sa 17 milyong card ro nahimu kung siin 15 milyon ro nataw-an.
