-- ADVERTISEMENT --
Naga-abot sa 51 milyong katawo ro ginpaidaeom sa lockdown sa tatlong lugar sa China tuga it panibag-ong COVID-19 outbreak.
Suno sa Health Ministry it China, pinaka-maabu ro apektado sa Jilin Province nga naga-abot sa 24 million samtang sa siyudad it Shenzhen hay 17.5 million ag sa Dongguan hay kapin sa 19 million.
Sa ika-ap-at nga sunod nga adlaw, naga-abot sa masobra 2,100 ro additional COVID-19 cases nga nailista sa 58 siyudad rason nga sumaka eon sa 10,000 ro total cases umpisa ko unang dominggo it Marso.
Pinaka-maabu ro nailista sa Jilin nga umabot eon sa 4,605 cases.
Raya eon sa makaron ro pinaka-grabe nga COVID-19 outbreak sa China umpisa kat madiskubre ro nasambit nga sakit sa Wuhan City ko 2020.
-- ADVERTISEMENT --
