Ginklaro it Office of the Provincial Agriculture nga bukon it tanan nga 512 nga una sa listahan it mga corn farmers hay makabaton it fuel subsidy.
Suno kay Salome David, OIC it OPA nga nagpatigayon it validation ag verification ro regional office kon siin ro makabaton eamang it nasambit nga subsidiya hay ro mga mangunguma nga nagagamit it makinarya nga ginataynan it langis.
Raya hay igapaagi sa card nga pagadaehon it mangunguma sa accredited gasoline station ag nakadepende kanda kon boe-on nanda eagi tanan kon ipartial it pag-claim.
Sa makaron suno kay David hay uwa pa sanda it impormasyon kon san-o raya mabaton it mga mangunguma apang una eon ro subsidiya nga nakataeana pa sa mga kwalipikadong benepisyaryo.
Kapin sa waeong munisipalidad sa probinsya it Aklan ro nagpasa it listahan nga ginakaeakipan it Altavas, Balete, Banga, Ibajay, Kalibo, Madalag, Malinao ag Numancia kon siin ro mga nasambit nga mangunguma hay nauna eon nga nakarehistro sa Registry System for Basic sectors in Agriculture ukon RSBA it Department of Agriculture ukon DA
