Kalibo Aklan ———–Nakataeanang iga-deploy sa limang Police Districts sa NAtional Capital Region Police Office (NCRPO) ro kapin sa 519 nga mga bag-ong graduate nga mga pulis nga magaserbing “striking force” it PNP sa kampanya kontra sa kriminalidad.
Ginpangunahan nanday NCRPO Chief PMGEN Vicente Danao Jr. ag PMGEN Alex Sintin, Director, PNP Training Institute ro Graduation Ceremony it Public Safety Basic Recruit Course Class 2020-04 “Masigtalab” kahapon June 8, 2021 ag ginpatigayon sa NCRTC Covered Court, Camp Bagong Diwa, Bicutan Taguig City.
Ro PSBRC Class 2020-04 hay ginabilog it 134 Female ag 385 Male, antes sanda nga iga-deploy sa limang Police Districts sanda hay igaturned -over anay sa Regional Special Training Unit (RSTU) para sa sangka orientation.
Ginpahayag ni Danao ro deployment it mga raya sa limang police districts sa NCRPO hay para magpaidaeum sa an-om nga bueang compulsory Field Training Exercise- on the Job Training (FTEX-OJT) kung sa siin andang i practice ro andang mga nasayuran kapareho it pag responde ag pagoatuman it layi sa mga actual scenario sa imbestigasyon, pagpapatrulya ag pagmando it trapiko.
Kumpiyansa si Danao nga ro mga nasambitang batch it mga police recruits hay imaw ro magiging newest arm it NCRPO nga magaserbing striking it PNP para sokean ro criminality.
Gindayaw ag gineaygayan man ni Danao ro mga bag-ong graduate nga pulis nga maging kaparte sa new ERA of change sa PNP organization, pagpanerbisyo, pagtrabaho it maayos, i-apply ro mga natun-an sa training, ag magtao it serbisyong tama, tapat may tapang ag malasakit sa pomoeuyo.
