KALIBO, Aklan — Patay ro sangka mangunguma matapos nga maeumos sa irrigation canal sa Brgy. Cerrudo, Banga.
Nagkabaeaka ro pamilya it biktimang si Remegio Teodosio, 53, residente it nasambit nga lugar kat masayuran nga owa raya naka-uli ko Domingo nga adlaw, Agosto 4, 2019 it gabi-i.
Nagpangayo sanda it bulig sa mga katapo it Banga Police Station at kat gin-usoy, nakita nanda ro anang mga gamit sa kilid it irigasyon kapareho it eambong, tsinelas ag cellphone.
Sa ginpatigayon nga search and rescue operation, nakita ro bangkay it biktima sa Brgy. Palale, Banga nga nakasang-it sa nabali nga puno it kahoy.
Base sa imbestigasyon, posible sigon nga naghana nga magtabok ro biktima agud nga mag-gihit it anang alagang baka, apang bangud nga mabaskog ro sueog it tubi hay inanod raya.
Mag-eowas kara, ginapatihan nga una imaw sa impluwensiya it makahieilong nga ilimnon.
Owa man it foul play nga nakita sa insidente.
