Kapin sa 53% eon it kabilugang P7.5 bilyon pesos it pondo nga gintaeana para sa pagpatuman it Public Utility Modernization Program ro nagamit eon it gobyerno halin kat ginrolyo raya ko 2018.
Suno kay Department of Transportation Secretary Jaime Bautista, kaibahan kara ro P1.6 billion pesos nga ginpabilin para sa PUV Modernization makaron nga dag-on 2024.
Kadungan kara, nagpahayag it pagpamaeabag ro sekretaryo sa suspensiyon it pagpatuman it programa.
Mag-eowas pa sa bilyong pondo nga nagastos para sa programa, ginpahayag man it opisyal nga ro suspensiyon it programa nga ginaduso it mga Senador sa kahigayunan nga ginapatuman ro programa hay makasamad sa relasyon nga na-establish it gobyerno sa stakeholders nga kumapital sa programa kamana man mabahoe nga porsyento eon sigon ro nag-consolidate.
Dugang pa it DOTr chief nga makadelay raya sa mga serbisyo para sa kaabuan nga nakadepende sa mga benepisyo it programa.
