56-anyos nga eaeaki, ninahan matapos nga gin-eapog it pusa nga hollow blocks

KALIBO, Aklan—Ginrefer sa Brgy. Justice it Brgy. Bulabod, Malinao ro insidente it pagpang-eapog kon sa siin naospital ro sangka 56-anyos nga eaeaki.

Base sa report, ginkilaea ro biktima nga si Clarie Antonio samtang ro suspek hay ginkilaeang si Roy Rubio ag parehong residente it nasambit nga lugar.

Una kara, naghueam sigon it sanggot si Rubio kay Antonio apang uwa nana raya ginpahueama bangud nga gabie eon rason nga naakig ro suspek ag nagpamilit pa rason nga ginhambaean imaw it biktima.

Apang, uwa gin-eauman it isaea nga may ginabitbit eon raya nga pusa nga hollowblocks ag insigidang gine-eapog sa biktima nga gintunaan it anang pag-angkon it lastro sa dahi.

Ginasugid nga una sa idaeom ko impluwensya it aeak ro suspek kat natabo ro insidente.