KALIBO, Aklan—Nakalista ro Provincial Health Office it kapin sa 31 porsyento nga positivity rate halin sa kabilugan nga 181 swab samples nga ginpatigayun ko Setyembre 4 kun sa siin 56 ro nagpositibo ag 125 ro nagnegatibo sa COVID-19.
Bangud kara, humampak eon sa kabilugan nga 11,976 ro kaso it Coronavirus sa bilog nga probinsya it Aklan umpisa nga magtuhaw ro pandemya.
Sa nasambit nga numero, 11,142 eon ro nagmayad matapos ro pagbueong ag quarantine procedure.
Samtang, nadugangan man it sambilog ro numero it mga namatay rason nga nag-abot eon sa 301 ro COVID-19 related death it probinsya.
Sa makaron, 533 pa ro nabilin nga aktibong kaso nga ginakaeakipan it 324 nga naka-facility quarantine, 150 nga naka-home quarantine ag 59 nga admitted sa ospital.
