56 patay samtang haeos 200 ninahan matapos ro nagtuhaw nga suicide bombing sa Pakistan

KALIBO, Aklan—Kapin sa 56 ro patay samtang 194 ro ninahan matapos ro nagtuhaw nga suicide bombing sa Shi’ite Muslim Mosque sa Pakistan.

Suno sa opisyal nga si Senior Police Haroon Rasheed, sangka armadong eaeaki nga sakay it motorsiklo ro nag-abot maeapit sa mosque ag nagpaeupok it baril kat imaw hay harangon it mga pulis, antes pilit nga magsueod sa sangka lugar ag ginpasabog ro anang suicide vest.

Ginpahayag pa ni Rasheed nga unang umatake ro nasambit nga armadong eaeaki ag ginbaril ro sangka gwardiyang pulis nga rason it insigida kara nga pagkamatay.