-- ADVERTISEMENT --
Kalibo Aklan ————-Posibleng magapangatubang sa kasong pag-eabag sa Presidential Decree 445 ukon Cockfighting Law of 1974 ro sangka eaeaki matapos nga madakpan nga nagapatigayon it illegal nga bueang sa Sitio Soong, Brgy. Panyakan, Tangalan.
Sa operasyon it Tangalan PNP, naaresto si Ricardo Macahilas, 57-anyos ag residente it Brgy. Rivera, Ibajay.
Narekober sa anang posisyon ro sangka pambueang nga manok ag P719 pesos nga kantidad it kwarta nga ginamit bilang taya.
Samtang, dugang nga tatlong pambueang nga manok ro narekober it pulisya sa area.
Si Macahilas hay insigidang ginbitbit sa Tangalan Police Station kon sa siin imaw temporaryong ginkustudiya para sa nagakaigong disposisyon.
-- ADVERTISEMENT --
