Kalibo Aklan ———-Nakataeanang magapangatubang sa kasong pag-eabag sa Presidential Decree 1865 ukon Illegal Selling of Gasoline ro sangka 58-anyos nga eaeaki matapos nga mabak-ean it de-botelyang gasolina sa Brgy. Andagao, Kalibo.
Ro nasambit nga suspek nga uwa eon nagpahingaean hay naaresto sa ginkasa nga buy-bust operation matapos nga nagpakuno-kuno ro intel operative nga magbakae it gasolina gamit ro 500 pesos nga marked money.
Pagdaeawatan it kwarta hay dikara eon gin-aresto ro suspek matapos makumpirma nga illegal raya nga nagabaligya it petroleum products sa nasambit nga lugar.
Narekober sa anang posisyon ag kontrol ro 33.5 liters it gasolina nga nagabalor it 1,809 pesos ag diesel 14 liters nga nagabalor it 750 pesos.
Ro nasambit nga suspek hay insigidang ginbitbit sa Kalibo Police Station kon sa siin imaw temporaryong nakakulong para sa nagakaigong disposisyon.
