Kalibo Aklan ———-Padayon nga ginaimbestigahan it Banga PNP ro insidente it pagpang-eabo ro nag-eontad sa Brgy. Ugsod sa nasambit nga banwa.
Base sa report, ginkilaea ro biktima nga si Rafael Irrarum Retiro, 59-anyos samtang ro suspek hay ginkilaeang si Joel Irrarum y Retiro, 63-anyos ag parehong residente it nasambit nga lugar.
Sa inisyal nga imbestigasyon it pulisya, una sa idaeom it impluwensya it aeak ro biktima kon sa siin nagmaoy sigon raya hasta nga namueaw-mueawan ro magueang nga nagakatueog ag nakaangkon it diskusyon sa magtimbang nga parte.
Dikara eon binayo it biktima ro suspek apang naimpito man raya rason nga nagbueo man raya it espading ag gin-eabo sa biktima nga gintunaan it anang pag-angkon it lastro sa tiyan.
Ro nasambit nga biktima hay insigidang gindaea sa sangka pribadong ospital kon sa siin imaw sa makaron naka-confine para sa anang nagakaigong pagbueong samtang ro suspek hay presenteng una sa kustudiya it Banga PNP para sa nagakaigong disposisyon.
